شمالی وزیرستان میں دہشت گردوں نےسابق رکن قومی اسمبلی محسن داوڑ کی گاڑی پر حملہ کیا تاہم محسن داوڑ محفوظ رہے۔ ڈسٹرکٹ پولیس آفیسر شمالی وزیرستان روحان زیب نے میڈیا سے گفتگو کرتے ہوئے محسن داوڑ کی گاڑی پر فائرنگ کی تصدیق کی۔ ان کا کہنا تھا کہ محسن داوڑ کے پاس پولیس سیکیورٹی موجود تھی، پولیس اہلکاروں نے فائرنگ کرنے والے دہشت گردوں پر جوابی فائرنگ کی جس سے حملہ آور فرار ہو گئے۔
ڈی پی او روحان زیب نے مزید بتایا کہ محسن داوڑ کو فول پروف سکیورٹی فراہم کی گئی ہے۔ نامعلوم شدت پسندوں کے خلاف سرچ آپریشن جاری ہے۔
یاد رہے کہ چند روز قبل جے یو آئی (ف) کے سربراہ مولانا فضل الرحمان کے قافلے پر بھی ڈی آئی خان میں حملہ کیا گیا تھا۔
