ڈیرہ اسماعیل خان کی درابن چیک پوسٹ پرنامعلوم افراد کے حملے میں دو افراد شہید ہو گئے۔ شہید ہونے والوں میں ایک پولیس اہلکار اورایک مزدور شامل ہیں، جبکہ ایک پولیس اہلکار زخمی ہوگئے۔
ڈیرہ اسماعیل خان درابن چیک پوسٹ پر رات گئے نامعلوم افراد نے حملہ کردیا۔ حملے میں پولیس اہلکار اور ایک مزدور موقع پر جاں بحق جبکہ ایک پولیس اہلکار شدید زخمی ہوگیا۔
زخمی اور جاں بحق ہونے والوں کو ڈسٹرکٹ ہیڈ کوارٹر اسپتال منتقل کر دیا گیا۔ جان بحق ہونے والوں کی شناخت پولیس اہلکارعصمت اللہ اورمزدورعبداللہ کدے نام سے ہوئی۔ زخمی پولیس اہلکار کی شناخت پرویز کے نام سے ہوئی۔ پولیس نے علاقے میں سرچ آپریشن شروع کردیا۔
