کوہاٹ میں پیپلز پارٹی خیبرپختونخوا کے ترجمان امجد خان آفریدی کے فارم ہاوس پر نامعلوم افراد نے حملہ کیا، واقعے میں امجد آفریدی کا بیٹا بابر عظیم زخمی ہوا۔
ترجمان پی پی پی کے مطابق ان کا بیٹا زخمی حالت میں ہسپتال منتقل کردیا گیاہے۔
بابر عظیم آفریدی نے کوہاٹ میں تحصیل چیئرمین کے لئے انتخابات میں حصہ بھی لیا تھا۔
امجد خان آفریدی کا کہنا ہے کہ پیپلز پارٹی کی بڑھتی ہوئی مقبولیت سے مخالفین خوفزدہ ہیں،ہم کسی بھی قسم کا دباؤ قبول نہیں کریں گے، حق اور سچ کے لئے آواز بلند کرتے رہیں گے۔
ترجمان پی پی پی نے واقعے کی فوری اور شفاف تحقیقات کا مطالبہ کرتے ہوئے کہا کہ خیبرپختونخوا میں جان کی قیمت پی ٹی آئی دور میں سستی ہوگئی ہے۔
