سلطان اذلان شاہ ہاکی کپ ۔پاکستان اپنے پہلے میچ میں4مئی کو ملائیشیا کے خلاف میدان میں اترے گا
انٹرنیشنل ہاکی فیڈریشن نے سلطان اذلان شاہ ہاکی کپ کے ڈراز کا اعلان کردیا۔سلطان اذلان شاہ کپ کا 30واں ایڈیشن 4 سے 11مئی ملائیشیا میں کھیلا جائیگا۔ ایونٹ میں پاکستان، نیوزی لینڈ، کوریا، ملائیشیا، جاپان اور کینیڈا کی ٹیمیں شریک ہوں گی۔پاکستان اپنا پہلا میچ 4مئی کو ملائیشیا کے خلاف کھیلے گا جب کہ پاکستان ٹیم 5مئی کو کوریا۔7مئی کو جاپا ن اور 8مئی کوکینیڈا کے خلاف میچ کھیلے گی۔پاکستان ہاکی ٹیم آخری میچ نیوزی لینڈ کے خلاف 10مئی کوکھیلے گی اور 2ٹاپ ٹیموں کے درمیان فائنل 11مئی کو ہوگا۔
