انگلینڈ کے خلاف دوسرے اور تیسرے ٹیسٹ میچز کے لیے پاکستانی سکواڈ کا اعلان کردیا گیا جس میں 4 بڑے ناموں کو آرام دینے کیلئے سکواڈ سے ڈراپ کردیا گیا ہے ۔
پاکستان او انگلینڈ کے درمیان دوسرا اور تیسرا ٹیسٹ میچ 15 اور 24 اکتوبر کو بالترتیب ملتان اور راولپنڈی میں کھیلے جائیں گے۔ جس کیلئے پی سی بی نے سکواڈ کا اعلان کردیا ہے ۔
سکواڈ سے بابراعظم،نسیم شاہ ،شاہین آفریدی اور سرفراز احمد کو ڈراپ کردیا گیا ہے اور ان کو آرام دینے کا فیصلہ کیا گیا ہے ۔
16 رکنی سکواڈ میں کپتان شان مسعود ، سعود شکیل ، عبداللہ شفیق ، عامر جمال،حسیب اللہ ،کامران غلام ، مہران ممتاز ، میر حمزہ ، محمد علی،محمد ہریرہ ، محمد رضوان ، نعمان علی ، صائم ایوب ، ساجد خان، زاہد محمود اور سلمان علی آغا شامل ہیں ۔
پاکستان اور انگلینڈ کے درمیان سیریز کا دوسرا ٹیسٹ بھی ملتان میں 15 اکتوبر سے کھیلا جائے گا،جبکہ تیسرا اور آخری میچ 24 اکتوبر کو راولپنڈی کرکٹ سٹیڈیم میں شروع ہوگا ۔
اس سے قبل مہمان ٹیم نے ملتان میں کھیلے گئے پہلے ٹیسٹ میں قومی ٹیم کو اننگز اور 47 سے شکست دی تھی ،انگلینڈ کو تین ٹیسٹ میچوں کی سیریز میں ایک صفر کی برتری حاصل ہے۔
