کوئٹہ سمیت بلوچستان بھر میں بجلی کی طویل لوڈشیڈنگ کی وجہ سے شہری شدید غصے میں آگئے، گرمی سے تنگ آکر عوام سڑکوں پر نکل آئی اور احتجاج کرتے ہوئے انہوں نے قومی شاہراہوں کو بلاک کر دیا۔
بجلی کی ظالمانہ لوڈ شیڈنگ کے خلاف زمیندار ایکشن کمیٹی کی طرف سے احتجاج کیا گیا ہے، مظاہرین نےکوئٹہ پنجاب قومی شاہراہ اور کوئٹہ کے پی کے قومی شاہراہ قلعہ سیف اللہ کے مقام پر ہر قسم کی ٹریفک کے لئے راستوں کو بند کر دیا ہے۔
نوشکی ،منگچر، مستونگ، قلعہ سیف اللہ میں بھی زمینداروں نے احتجاج کرتے ہوئے قومی شاہراہوں کو بلاک کردیا ۔
زمیندار ایکشن کمیٹی نے کہا ہے کہ بجلی کی عدم فراہمی کے وجہ سے ہماری فصلیں تباہ ہوگئی ہیں،واپڈا والے ہوش کے ناخن لیں، ہمیں آخری اقدام اٹھانے پر مجبور نہ کیا جائے تو ہی بہتر ہوگا۔
