سکیورٹی فورسز کی جانب سے آپریشن ردالفتنہ 3 کے تحت بلوچستان میں دہشت گردوں کے خلاف کارروائیاں جاری ہیں۔
سکیورٹی ذرائع کے مطابق صوبے میں دو مختلف کارروائیوں کے دوران فتنہ الہندوستان سے وابستہ 7 دہشت گرد ہلاک کردئیے گئے۔
سکیورٹی ذرائع کے مطابق پنجگور کے علاقے فتح علی میں کارروائی کے دوران 5 دہشت گرد مارے گئے.
ہلاک دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔
دوسری کارروائی ضلع کچھی کے علاقے دھاڈر میں خفیہ اطلاعات کی بنیاد پر کی گئی، جہاں سکیورٹی فورسز کے مطابق 2 دہشت گرد ہلاک ہوئے۔
ذرائع کا کہنا ہے کہ کارروائی کے دوران متعدد دہشت گردوں کے زخمی ہونے کی بھی اطلاعات ہیں۔
سکیورٹی فورسز کے مطابق بلوچستان میں دہشت گردی کے خاتمے اور امن و امان کے قیام کے لیے کارروائیاں جاری رہیں گی۔
