پشاور( حسن علیشاہ سے ) 200 سے زائد پشتو فلموں میں بطور کامیڈین پرفارم کرنے والے اداکار بشر جعفری لاہور میں انتقال کرگئے۔ اداکار کی نماز جنازہ اقبال ٹاون لاہور میں ادا کرنے کے بعد لاہور ہی میں سپردخاک کیا جائے گا۔ بشیر جعفری دس سال قبل اپنی والدہ کی وفات کے بعد شو بز کو خیرباد کہہ کر تبلیغی جماعت میں شامل ہو گئے تھے۔ ان کا تعلق پشاور کے علاقہ رامداس محلہ سارباناں سے تھا۔ مرحوم نے ساری زندگی لاہور میں بسر کی تھی۔
