بلاول بھٹو نے کہا ہے کہ وہ آزاد امیدواروں سے مل کر حکومت بنانا پسند کریں گے۔مسلم لیگ ن اور پاکستان تحریک انصاف ایک سکے کے دو رخ ہیں
غیر ملکی خبررساں ادارے کو انٹرویو دیتے ہوئے چیئرمین پاکستان پیپلز پارٹی بلاول بھٹو کا کہنا تھا کہ مسلم لیگ ن اور پاکستان تحریک انصاف دونوں جماعتیں ہی اپنی کارکردگی ثابت کرچکی ہیں۔ملک میں چہرے بدلتے ہیں لیکن پالیسیاں وہی رہتی ہیں۔
آج ملک بدترین معاشی بحران سے گزر رہا ہے۔انتخابات کے حوالے سے گفتگو کرتے ہوئے بلاول بھٹونے کہا پہلی بار اتنی بڑی تعداد میں آزاد امیدوار الیکشن لڑ رہے ہیں۔پیپلزپارٹی آزاد امیدواروں سے مل کر حکومت بنانا پسند کرے گی۔بلاول بھٹو کا مزید کہناتھاکہ معمول کی سیاست پر وقت برباد نہیں کیا جاسکتا۔پرانی سیاست کی روایت توڑ کر نوجوانوں پر توجہ مرکوز کریں گے۔انہوں نے دعوی کیا کہ ان کے پاس مفت بجلی فراہم کرنے کا ٹھوس منصبوبہ موجود ہے۔
