ضلع صوابی کے علاقہ ذیدہ میں بھائی نے اپنی سگی بہن کو اس بات پر قتل کر دیا کہ اس نے دوسری شادی کیوں کی۔ ذرائع کے مطابق زیدہ میں بھائی نے اپنی سگی بہن پر گولیاں برسا دیں جس کے نتیجے میں بہن موقع پر جاں بحق ہوگئی۔ ملزم فائرنگ کے بعد موقع واردات سے فرار ہونے میں کامیاب ہوگیا۔ سفاک قاتل اپنی بہن کی پہلے شوہر سے طلاق لینے اور دوسری شادی کرنے پر ناخوش تھا۔
لاش کو پوسٹ مارٹم کے لئے باچاخان میڈیکل کمپلکیس شاہ منصور منتقل کردیا گیا ہے۔ مقتولہ کے شوہر کی مدعیت میں تھانہ زیدہ میں ملزم کے خلاف قتل کا مقدمہ درج کرلیا گیا۔
