پاکستان کرکٹ ٹیم نے کرسمس کے موقع پر آسٹریلوی کھلاڑیوں اور ان کے اہل خانہ کو تحائف پیش کیے
قومی ٹیسٹ ٹیم کے کپتان شان مسعود سمیت دیگر کرکٹرز کی ویڈیو وائرل ہوئی جس میں انہوں نے میلبرن کرکٹ گراؤنڈ کے نیٹ پر پریکٹس سیشن میں مصروف آسٹریلوی کپتان پیٹ کمنز سمیت دیگر کھلاڑیوں کو کرسمس کے تحائف پیش کیے۔
پاکستانی کرکٹ ٹیم کی طرف سے تحائف دیے جانے پر آسٹریلوی کپتان کمنز نے خوشی کا اظہار کرتے ہوئے کہا کہ کرسمس کے تحائف بہت اچھے تھے، پاکستان کے ساتھ ہمارے اچھے تعلقات ہیں، چند سال پہلے کا دورہ بھی واقعی خاص تھا۔
