متوقع وفاقی کابینہ کیلئے ناموں پر غور کیا جارہا ہے اسی حوالے سے شہبازشریف اور نوازشریف کی ملاقات ہوئی ہے
اعلامیہ کے مطابق نواز شریف کو شہباز شریف نے مختلف اتحادیوں سے ملاقات کے بعد بریفنگ دی ہے اور متوقع وفاقی کابینہ کے لئے بھی اہم افراد کے ناموں کو بھی زیرغور کیا گیا ہے۔تفصیالات کے مطابق 25 رکنی وفاقی کابینہ حکومت کی تشکیل کے بعد بنائے جانے کا امکان ہے،3 سے 5 وفاقی وزارتیں ایم کیو ایم کو دیئے جانے پر معاملات زیر غور ہیں، ایم کیو ایم کی جانب سے خالد مقبول صدیقی، فاروق ستار، سید مصطفی کمال،خواجہ اظہار الحسن اور سید امین الحق کے ناموں پر غور کیا جا رہا ہے۔وفاقی وزراء کے لئے مسلم لیگ ن کی جانب سے 15 سینئر لیگی رہنماؤں کے نام زیر غور ہیں، وفاقی کابینہ کے لئے لیگی رہنماؤں میں اسحاق ڈار، سردار ایاز صادق، خواجہ آصف، احسن اقبال، مریم اورنگزیب کے نام زیر غور ہیں۔
