ڈیرہ اسماعیل خان کے علاقے درابن روڈ پر کاؤنٹر ٹیررازم ڈپارٹمنٹ کی کارروائی کے دوران 3 دہشتگرد ہلاک ہوگئے۔ حکام کے مطابق دہشت گردوں نے گاڑیوں کو لوٹنے کیلئے رکاوٹ لگا رکھی تھی، ہلاک ملزمان سے اسلحہ اور گولہ بارود برآمد ہوا ہے۔
آئی جی اختر حیات گنڈاپور کا کہنا ہے کہ ہلاک دہشتگردوں کی لاشیں اسپتال منتقل کردی گئی ہیں۔ گزشتہ روز بھی ضلع باجوڑ میں سکیورٹی فورسز نے پاک افغان بارڈرپر خوارج کی دراندازی کی کوشش کو ناکام بنادی تھی اور فتنہ الخوارج کے 5 دہشتگردوں کو ہلاک کر دیا تھا۔
