پشاور: وزیر اعلی خیبر پختونخوا سردار علی امین گنڈاپور کی زیر صدارت محکمہ بلدیات کا اجلاس ہوا جس میں صوبائی وزیر بلدیات کے علاوہ، متعلقہ محکموں اور پی ڈی اے کے اعلی حکام کی شرکت کی ۔
اجلاس میں باغبانی کے فروغ کے لئے وزیر اعلی کا اہم اقدام، صوبے میں ہارٹیکچر اتھارٹی کے قیام کا اصولی فیصلہ کرلیا گیا۔
اجلاس میں فیصلہ ہوا کہ مجوزہ ہارٹیکلچر اتھارٹی باقاعدہ ایکٹ کے تحت قائم کیا جائے گا، متعلقہ حکام کو مذکورہ ایکٹ کے مسودے کی تیاری پر کام شروع کرنے کی ہدایت ۔
اجلاس میں پی ڈی اے کو پشاور کے تین شہری ٹی ایم ایز کی حدود میں خصوصی ذمہ داریاں دینے سے متعلق امور بھی غور و خوص کیا گیا ۔یہ ذمہ داریاں ٹی ایم ایز کی معمول کی ذمہ داریوں اور کاموں سے ہٹ کر ہونگی۔
پی ڈی اے کو دی جانے والی ان خصوصی ذمہ داریوں سے ٹی ایم ایز کا کام اور عملہ متاثر نہیں ہوگا،متعلقہ حکام کو اس سلسلے میں ہوم ورک مکمل کرکے حتمی تجاویز پیش کرنے کی ہدایت۔
اجلاس سے خطاب میں وزیراعلیٰ علی امین گنڈاپور کا کہنا تھا کہ پشاور ہم سب کا شہر اور صوبے کا چہرہ ہے، موجودہ صوبائی حکومت اس کی تعمیر و ترقی کے لئے سنجیدہ اقدامات کر رہی ہے۔
وزیراعلیٰ کا کہنا تھا کہ شہر میں صفائی ستھرائی کے نظام کو بہتر کرنے کے لئے ٹی ایم ایز کو مستحکم کرنا ہے، ٹی ایم ایز کے ملازمین کی تنخواہوں اور پنشن کی مد میں بقایاجات کو ترجیحی بنیادوں پر کلئیر کیا جائے گا۔
ان کا یہ بھی کہنا تھا کہ مقامی سطح کے عوامی مسائل فوری حل کرنے میں بلدیاتی حکومتوں کا کردار انتہائی اہم ہے،موجودہ صوبائی حکومت عمران خان کے وژن کے مطابق بلدیاتی نظام کو با اختیار بنانے اور اختیارات کو نچلی سطح پر منتقل کرنے کے لئے پر عزم ہے۔
وزیراعلیٰ علی امین گنڈاپور کا یہ بھی کہنا تھا کہ بلدیاتی نمائندوں کے جائز مسائل کو ترجیحی بنیادوں پر حل کیا جائے گا۔
