افغان سفارتکار نے قومی ترانے کی بے توقیری کی ہے۔ جس کی کے پی اسمبلی میں قرار داد جمع کرا دی گئی ہے۔
پشاور: افغانستان کے قونصل جنرل محب اللہ شاکر کی جانب سے پاکستان کی قومی ترانے کی بے توقیری پر خیبرپختونخوا اسمبلی میں قرار داد جمع کرا دی گئی۔قرارداد پاکستان پیپلز پارٹی کے ممبر صوبائی اسمبلی احمد کنڈی نے جمع کرادی۔
قرار داد میں موقف اختیار کیا گیا ہے کہ گزشتہ روز پشاور میں عید میلاد النبی صلی اللہ علیہ وسلم کی مناسبت سے منعقدہ تقریب میں افغانستان کے قائم مقام قونصل جنرل کی جانب سے قومی ترانے کے احترام میں کھڑا نہ ہونا اور بیٹھے رہنا ایک جانب سفارتی اصولوں کے خلاف ہے تو دوسری جانب ملکی سفارتی اداب کے بھی منافی ہے جو انتہائی قابل مذمت ہے۔
قرارداد میں کہا گیا ہے کہ ایوان صوبائی حکومت سے سفارش کرتے ہے کہ وفاقی حکومت سے اس امر کی سفارش کی جائے کہ اس طرح سے قومی ترانے کی بے توقیری کرنے والے قائم مقام افغان قونصل جنرل محب اللہ شاکر کے خلاف اسلام اباد اور کابل دونوں سطح پر شدید احتجاج ریکارڈ کروائیں اور متعلقہ افسر کے خلاف تادیبی کی کاروائی کی سفارش کرے۔
