خیبرپختونخوا، پنجاب اور اسلام آباد میں زلزلے کے شدید جھٹکے

آج 2 بج کر 20 منٹ پر خیبرپختونخوا، پنجاب کے مختلف شہروں اور اسلام آباد میں 6 شدت کے زلزلے کے جھٹکے محسوس کیے گئے۔
زلزلہ کوہاٹ، سرگودھا، ایبٹ آباد، خوشاب اور چارسدہ میں بھی محسوس کیا گیا۔  اس کے علاوہ ڈی آئی خان، بنوں، ہنگو، دیامر، پارا چنار، منڈی بہاءالدین، بھکر، نوشہرہ، مظفرآباد، وادی نیلم آزاد کشمیر میں بھی زلزلے کے جھٹکے محسوس کیے گئے، شیخوپورہ، پاکپتن اور گوجرانوالہ میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق زلزلے کی شدت 6 تھی اور مرکز کوہ ہندوکش افغانستان تھا، جس کی زیر زمین گہرائی 213کلو میٹرکی تھی۔زلزلے کے باعث عوام کی بڑی تعداد گھروں اور دفاتر سے باہر نکل آئی تاہم کسی جانی و مالی نقصان کی کوئی اطلاع تاحال موصول نہیں ہوئی ہے۔