وفاقی دارالحکومت اسلام آباد، راولپنڈی، آزاد کشمیر اور گرد نواح میں زلزلے کے جھٹکے محسوس کیے گئے تاہم زلزلے کے باعث کسی قسم کے جانی نقصان کی اطلاع نہیں ملی ۔
زلزلہ پیمز مرکز کے مطابق زلزلے کی شدت 4.8 ریکارڈ کی گئی ۔
جڑواں شہروں اسلام آباد، راولپنڈی اور گرد ونواح میں رات 11 بجے کے قریب زلزلے کے جھٹکے محسوس کیے گئے ہیں، اس کے علاوہ کوٹلی آزاد کشمیر میں بھی زلزلے کے جھٹکے محسوس کیے گئے ۔
گھروں میں لگے پنکھے پنڈولم کی طرح ہلتے رہے، شدید زلزلے کے جھٹکے کئی سیکنڈز تک جاری رہے ۔
زلزلے کے جھٹکوں کے باعث لوگ گھروں میں خوف و ہراس پھیل گیا اور لوگ کلمہ طیبہ کا ورد کرتے ہوئے باہر نکل آئے جبکہ زلزلے کے باعث کسی قسم کے جانی و مالی نقصان کی اطلاع نہیں ملی ۔
