الیکشن کمیشن نے این اے 15مانسہرہ سے دوبارہ پولنگ کروانے کیلئے نواز شریف کی درخواست مستردکردی
الیکشن کمیشن نے این اے 15مانسہرہ پر دوبارہ پولنگ سے متعلق سابق وزیراعظم نواز شریف کی درخواست پر گزشتہ روز فیصلہ محفوظ کیا تھا ۔الیکشن کمیشن نے انتخابی عذرداری کیس میںن لیگ کے قائد نواز شریف کی درخواست مسترد کرتے ہوئے الیکشن ٹربیونل سے رجوع کرنے کی ہدایت کی ہے۔الیکشن کمیشن نے ریٹرننگ افسر کو تین دن میں حلقے کا حتمی نتیجہ مرتب کرنے کا حکم دیا ہے۔یاد رہے کہ عام انتخابات میں این اے 15مانسہرہ سے نواز شریف کو پی ٹی آئی کے حمایت یافتہ آزاد امیدوار نے شکست دی تھی۔
