وانا: جنوبی وزیرستان میں مسجد کے قریب بم دھماکہ ہوا ہے جس کے نتیجے میں خاتون سمیت 2افراد جاں بحق جبکہ متعدد زخمی ہو گئے۔ ذرائع کے مطابق واقعہ جنوبی وزیرستان کے علاقہ اعظم ورسک بازار میں پیش آیا جہاں مسجد کے قریب آئی ای ڈی دھماکہ کیا گیا ۔
پولیس ذرائع نے بتایا کہ دھماکے کے نتیجے میں مولانا مفتی اعجاز اور ایک خاتون جاں بحق جبکہ متعدد زخمی ہو گئے ۔
تمام زخمیوں کو ڈسٹرکٹ ہیڈ کوارٹر ہسپتال وانا منتقل کیا گیا جہاں ہلاکتوں میں اضافے کا خدشہ ظاہر کیا جارہا ہے ۔ پولیس کے مطابق نامعلوم افراد نے آئی ڈی بم نصب کررکھا تھا۔
مقامی ذرائع کے مطابق دھماکے میں مولانا شہزاد کو نشانہ بنایا گیا،پولیس نے جائے وقوعہ سے شواہد اکھٹے کرکے مزید تحقیقات شروع کردیں۔
