پشاور: گورنر خیبرپختونخوا فیصل کریم کنڈی نے شمالی وزیرستان اور ہنگو میں سکیورٹی فورسز کی کارروائیوں کے دوران بھارتی سرپرستی میں سرگرم 10 خوارج کی ہلاکت پر سکیورٹی فورسز کو خراجِ تحسین پیش کیا ہے۔
فیصل کریم کنڈی نے کہا کہ دہشت گردی کے خلاف جنگ میں 6 جوانوں کی شہادت پوری قوم کے لیے بڑا صدمہ ہے، شہداء کی قربانیاں رائیگاں نہیں جائیں گی۔
گورنر خیبرپختونخوا نے کہا کہ قوم اپنے بہادر جوانوں کے ساتھ کھڑی ہے۔ انہوں نے شہداء کے درجات کی بلندی اور اہلِ خانہ کے لیے صبرِ جمیل کی دعا بھی کی۔
