سابق آسٹریلوی کرکٹر لیسا اسٹھالیکر نے پاکستانی ٹیم کی ٹی ٹوئنٹی ورلڈ کپ میں کارکردگی پر شدید قسم کی تنقید کا نشانہ بنایا ہے۔
سابق آسٹریلوی کرکٹر لیسا اسٹھالیکر کے مطابق انہوں نے پاکستان کی ٹی ٹوئنٹی ورلڈ کپ میں کارکردگی پر شدید تنقید کرتے ہوئے کہا کہ پاکستان اور نیوزی لینڈ کی ٹیموں نے ورلڈکپ میں نہایت ہی خراب کارگردی کی ہے۔
لیسا اسٹھالیکر کے مطابق پاکستان بھارت کے خلاف میچ صرف دباؤ کے باعث ہارا ہے، اور ٹیم کی ناکامی کی بڑی وجہ سینئر کھلاڑیوں کا پرفارم نہ کرنا تھا، پاکستانی ٹیم تو کنڈیشنز سے بھی ہم آہنگ نہ ہوسکی۔
لیسا اسٹھالیکر کے مطابق پاکستان کو ہرا کر سپر ایٹ میں کوالیفائی کرنا امریکا کی سب سے بڑی کامیابی تھی، امریکا کی پاکستان کے خلاف فتح نے نیویارک میں کرکٹ کی دھوم مچا کر رکھ دی ہے، اس کے ساتھ ہی باسکٹ بال کے کھلاڑیوں نے بھی امریکا کی کامیابی پر تبصرے کیے ہیں۔
