گوادر میں بارش 16 گھنٹے کی مسلسل تباہی مچانے کے بعد پھر برسنے کو تیار ہے
چیف میٹرولوجسٹ سردار سرفراز کے مطابق نئے سسٹم کے تحت کل سے ملک پر ہیوی اسپیل دکھائی دے رہا ہے، عموما سردیوں کی بارش اتنی شدت کی نہیں ہوتی ہے۔ سردار سرفراز کے مطابق اس بار گودار میں غیر معمولی بارش ہوئی ہے اوران مہینوں میں گوادر میں اتنی بارش پہلے کبھی نہیں ہوئی ہے،کل گوادر میں دوبارہ تیز بارش کا امکان ہے۔
چیف میٹرولوجسٹ کے مطابق جنوری اور فروری میں برف پہاڑوں پر پڑنے والی زیادہ دیر تک نہیں رہتی ہے، طوفانی بارش کے پی کے کچھ علاقوں میں ہوسکتی ہے،لینڈ سلائیڈنگ کا بھی جبکہ خدشہ ہے۔ کراچی میں یکم مارچ سے بارش کا امکان ہے۔کراچی سے متعلق سردار سرفراز نے بتایا ہے کہ گزشتہ دو دن شہر میں تیز ہوا چلی ہے، تاہم ہوا کی رفتار میں آج کمی آچکی ہے البتہ بارش کا یکم مارچ سے کراچی میں بھی امکان ہے۔
