شمالی وزیرستان میں سکیورٹی فورسز اور دہشتگردوں کے درمیان فائرنگ کے نتیجے ایک حوالدار بہادری سے لڑتے ہوئے شہید ہوگئے۔ پاک فوج کے شعبہ تعلقات عامہ کے مطابق شمالی وزیر ستان میں سکیورٹی فورسز نے دہشت گردوں کے ٹھکانے کا پتہ لگایا اور ایک دہشت گرد کو زخمی حالت میں گرفتار کر لیا گیا۔
آئی ایس پی آر کا کہنا ہے کہ دہشت گردوں کے ساتھ شدید فائرنگ کے تبادلے میں 41 سالہ حوالدار محمد ظاہر بہادری سے لڑتے ہوئے شہید ہوگئے۔ان کا تعلق ضلع مردان سے تھا۔ آئی ایس پی آر کے مطابق علاقے میں کلیئرنس آپریشن جاری رہے گا۔
