اسلام آباد: آرمی چیف جنرل عاصم منیر نے کہا ہے کہ مجھے کسی کا خط نہیں ملا اور اگر کوئی خط ملا بھی تو نہیں پڑھوں گا ۔
وزیراعظم ہاوس میں ترکیہ کے صدر کے اعزاز میں ظہرانے کے دوران صحافیوں سے غیر رسمی گفتگو میں آرمی چیف کا کہنا تھا کہ کوئی خط ملا بھی تو وزیراعظم کو بھجوادوں گا ۔
پاک فوج کے سربراہ کا یہ بھی کہنا تھا کہ خط لکھنے کی باتیں صرف چالیں ہیں، مجھے کسی کا کوئی خط نہیں ملا ۔
آرمی چیف جنرل عاصم منیر کا مزید کہنا تھا کہ پاکستان میں ترقی ہورہی ہے اور ملک بہت اچھے انداز میں آگے بڑھ رہا ہے اور پاکستان کو آگے بڑھنا ہے ۔
یاد رہے کہ سیکیورٹی ذرائع پہلے ہی کہہ چکے ہیں کہ انہیں کوئی خط نہیں ملا، نہ ہی اسے ایسے کسی خط کو پڑھنے میں کوئی دلچسپی ہے ۔
