بھارت میں آن لائن آئس کریم منگوائی گئی جس میں سے انسانی انگلی ناخن سمیت نکل آئی۔
بھارتی خبررساں اداروں کے مطابق حیران کن واقعہ ممبئی کے علاقے مالاد میں پیش آیا جدھر 26 سالہ ایم بی بی ایس ڈاکٹر برینڈن نے yummo نامی ایک کمپنی کی ایپ سے بٹر اسکاچ آئسکریم کون آن لائن منگوائی تھی۔
بھارتی میڈیا کے مطابق ڈاکٹر برینڈن کے شیئر کیے گئے ویڈیو بیان میں انہوں نے کہا ہے کہ جب وہ آدھی آئسکریم کھا چکے تو ان کو اپنے منہ میں کچھ سخت چیز محسوس ہوئی جس کو انھوں نے نگلنے کی بجائے منہ سے نکال کر دیکھا تو تب وہ کانپ کر رہ گئے۔
برینڈن کے مطابق ڈاکٹر ہونے کے باعث وہ جلد ہی یہ سمجھ گئے منہ سے نکلی یہ سخت چیز آئسکریم لوازمات نہیں بلکہ انسانی کٹی انگلی ہے جس پر ناخن بھی واضح طور پر نظر آ رہا تھا۔
ڈاکٹر کے مطابق اس کے بعد انھوں نے آئسکریم کو پھینکنے کے بجائے فریزر میں محفوظ کر دیا تاکہ وہ یہ آئسکریم پولیس کو بطور ثبوت فراہم کر سکیں۔بھارتی میڈیا رپورٹ کے مطابق کمپنی کے خلاف ایف آئی آر درج کر لی گئی ہے جبکہ اس کے برعکس آئس کریم کون سے برآمد انگلی کے 1.5سینٹی میٹر لمبے ٹکرے کو فارنزک کیلئے بھیج دیا گیا ہے۔
