شاور: سٹی ڈویژن پولیس کی اہم کارروائی، بین الاضلاعی پانچ رکنی منظم کار لفٹر گینگ کے پانچ ملزمان گرفتار،ملزمان میں نوشاد، مصطفیٰ، گل حسین، عمیر اور محسن شامل ہیں ۔
پولیس کے مطابق ملزمان میں چارسدہ، تیمر گروہ، ضلع ہنگو اور پشاور کے رہائشی شامل ہیں،ملزمان پشاور کے مختلف تھانوں کی حدود سمیت دیگر اضلاع سے بھی گاڑیاں چوری کرنے میں ملوث ہیں ۔
جدید سائنسی خطوط پر تفتیش کے دوران ملزمان کوگرفتار کرلیا،ایس پی سٹی خالد خان کی نگرانی میں پولیس کے دیگر افسران نے کامیاب کارروائی کی ۔
پعولیس نے مزید کہا ہے کہ کارروائی کے دوران 7 عدد گاڑیاں برآمد، ملزمان نے دوران تفتیش گروہ میں شامل دیگر نیٹ ورک کی بھی نشاندہی کی ہے ۔
پولیس کا مزید کہنا تھا کہ دیگر ملزمان کی گرفتاری کی خاطر خصوصی ٹیم تشکیل دے دی گئی ہے، گرفتار ملزمان سے اہم اور سنسنی خیز انکشافات کی توقع کی جارہی ہے ۔
