پاکستان اور افغانستان کے مابین تعلقات میں اہم پیش رفت سامنے آئی ہے، پاکستان نے افغانستان میں مستقل سفیر تعینات کرنے کا فیصلہ کرلیا ہے ،دفتر خارجہ نے باقاعدہ تصدیق بھی کرلی ۔
نائب وزیراعظم و وزیر خارجہ اسحاق ڈار نے کہا کہ امید ہے یہ اقدام دونوں ملکوں کے درمیان تعاون، اقتصادی اور سکیورٹی تعاون کو مزید گہرا کرے گا ۔
ان کا کہنا تھاکہ 19 اپریل 2025 کو ان کے دورے کے بعد پاکستان اور افغانستان کے تعلقات مثبت سمت میں گامزن ہیں اور اس تعیناتی کے بعد دوطرفہ تعلقات کو مزید فروغ ملے گا ۔
دوسری جانب ترجمان وزرات خارجہ کے سابق پاکستان نےافغانستان میں سفیر تعینات کرنے کا فیصلہ کیا ہے ، افغانستان میں اس وقت ناظم الامور فرائض سرانجام دےرہے ہیں ۔
دوسری جانب ترجمان وزرات خارجہ نے بتایا کہ وزیر خارجہ اسحاق ڈار کے دورہ کابل کے بعد پاک افغان تعلقات مثبت سمت میں آگے بڑھ رہے ہیں، پاک افغان تعلقات کے بڑھتے ہوئے رفتار کو دیکھ کر خوشی ہو رہی ہے ۔
ان کا مزید کہنا تھا کہ مجھے یقین ہے کہ یہ قدم باہمی روابط میں مزید اضافہ کرے گا، اقتصادی، سکیورٹی، تجارتی شعبوں میں پاک افغان تعاون کو مزید گہرا کرے گا اور برادر ممالک کے درمیان مزید تبادلوں کو فروغ دے گا ۔
