عمران اشرف نے ایک شو میں والدین سے بچی کو چھونے سے قبل اجازت طلب کی، جس پر ان کو عوام کی جانب سے خوب سہرایا گیا
پروگرام کے دوران عمران اشرف نے بچی کو چھونے سے قبل اس کے والدین سے اجازت مانگی جس پر سوشل میڈیا پر میزبان کو خوب سراہا جارہا ہے۔عمران اشرف پروگرام کے دوران اسٹیج پر بیٹھے تھے۔ آڈیئنس میں بیٹھی بچی کو عمران اشرف نے مائیک دیا اور اپنے پاس بلایا۔منتشا نامی بچی کو عمران اشرف نے اپنے قریب بٹھانے اور چھونے سے قبل بچی کے والدین سے اجازت لیتے ہوئے پوچھا کہ اجازت ہے؟کیا میں چھو سکتا ہوں؟
عمران اشرف جس پر بچی کے والدین نے اجازت دی اور پھر اس کے بعد بچی سے عمران اشرف نےسوال و جواب کا سلسلہ جاری رکھا۔عمران اشرف کے نام بچی نے شعر بھی سنایا۔ہال جس کے بعد تالیوں سے گونج اٹھا۔سوشل میڈیا صارفین بچی کو چھونے سے والدین سے اجازت لینے پر عمران اشرف کی خوب تعریف کررہے ہیں۔
پاکستانی نامور اداکارہ و ماڈل نادیہ حسین نےاس پر اپنی رائے دیتے ہوئے کہا کہ بچی کو چھونے سے قبل اجازت مانگنا سب سے بہترین عمل ہے جو کسی بھی پاکستان کی مشہور شخصیت کی جانب سے میں نے دیکھا ہے، میری طرف سےبہت ساری آپ کے لیے دعائیں۔اسی طرح عمران اشرف کے لیے اداکار منیب بٹ نے بھی کمنٹ کرتےہوئے دل کا ایموجی شیئر کیا۔
