پاکستان تحریک انصاف کے بانی اور سابق وزیر اعظم عمران خان پر 9 مئی سے متعلق جی ایچ کیو حملہ کیس میں فرد جرم عائد کر دی گئی جبکہ مقدمے میں شریک ملزم سابق صوبائی وزیر قانون راجہ بشارت کو گرفتار کرلیا گیا ہے۔
جمعرات کو اڈیالہ جیل راولپنڈی میں جی ایچ کیو حملہ کیس کی سماعت ہوئی جس کے دوران عمران خان سمیت دیگر ملزمان پر فرد جرم عائد کی گئی۔
عدالت کی جانب سے قومی اسمبلی میں اپوزیشن لیڈر عمر ایوب ، سابق وفاقی وزیر اور عوامی مسلم لیگ کے سربراہ شیخ رشید احمد اور ان کے بھتیجے شیخ راشد شفیق ، سابق صوبائی وزیر راجہ بشارت اور زرتاج گل پر بھی فرد جرم عائد کی گئی۔
سماعت کے بعد راولپنڈی پولیس نے سابق صوبائی وزیر قانون پنجاب راجہ بشارت کو اڈیالہ جیل کے باہر سے گرفتار کیا۔
سماعت کے بعد راولپنڈی پولیس نے راجہ بشارت کو اڈیالہ جیل کے باہر سے گرفتار کیا جبکہ عمر ایوب اور احمد چھٹہ کو بھی حراست میں لے کر پولیس چوکی اڈیالہ منتقل کر دیا گیا۔
