بانی پی ٹی آئی عمران خان کے لاپتہ سابق چیف سیکیورٹی افسر عمر سلطان گھر پہنچ گئے جس کے باعث اسلام آباد ہائیکورٹ نے بازیابی کا کیس نمٹا دیا۔
اسلام آباد ہائی کورٹ کےچیف جسٹس عامر فاروق نے عمرسلطان کی بازیابی کی درخواست پرسماعت کی۔درخواست گزار کے وکیل فیاض کندوال نے عدالت کو بتایا کہ عمر سلطان گھر واپس آگئے ہیں، تاہم طبیعت ناساز ہونےکی وجہ سے عدالت میں پیش نہیں ہو سکے۔ چیف جسٹس نے شہری کی واپسی پر کہا کہ اب آپ کیا چاہتے ہیں؟ وکیل درخواست گزار نے آزادانہ تحقیقات کی درخواست کی اور آگاہ کیا کہ ایف آئی آر درج ہو چکی ہے۔ عدالت نے آزادانہ تحقیقات کی ہدایت کرتے ہوئے کیس نمٹا دیا۔
