کے پی اسمبلی میں ملازمین کی بھرمار آگئی اور کئی ملازمین کے پاس بیٹھنے کو کرسی اور کرنے کے لئے کوئی کام تک نہیں۔
خیبر پختونخوا اسمبلی میں ارکان کی تعداد کل 119 ہے اورجبکہ اسمبلی میں ملازمین کی تعداد 794 تک ہو گئی ہے۔اسمبلی ویب سائٹ پر موجود تفصیل کے مطابق اسمبلی کے لیے گریڈ 22 کا ایک، گریڈ 20 کے 8 ، گریڈ 19 کے 22، گریڈ 18 کے 48 اور گریڈ 17 کے 97 ملازمین اپنا کام سرانجام دے رہے ہیں۔اس کے علاوہ گریڈ 16 کے ملازمین کی تعداد 89 ہے جبکہ گریڈ 15 کے 4، گریڈ 14 کے 91، گریڈ 12 کے 17 ، گریڈ 11 کے 54 اورگریڈ 10 کا ایک ملازم اسمبلی میں تعینات کیا گیا ہے۔بہت سے ملازمین سابق اسپیکر اسد قیصر اور مشتاق غنی کے دور میں آئے تھے۔جبکہ کچھ لوگ سابق وزیراعلیٰ محمود خان کے دور میں بھرتی کئے گئے تھے۔
