اسلام آباد: نائب وزیرِ اعظم محمد اسحاق ڈار دو روزہ دورے پر چین کے شہر شنگھائی روانہ ہو گئے ہیں۔
ترجمان دفترِ خارجہ کے مطابق پاکستان کی ورلڈ آرٹیفیشل انٹیلی جنس کوآپریشن آرگنائزیشن میں بانی رکن کی حیثیت سے شمولیت کے موقع پر محمد اسحاق ڈار تنظیم کے معاہدے پر دستخط کریں گے۔
دورے کے دوران نائب وزیرِ اعظم 2026 ورلڈ آرٹیفیشل انٹیلی جنس کانفرنس میں شرکت کریں گے اور مصنوعی ذہانت کے شعبے میں بین الاقوامی تعاون کے فروغ کے لیے عالمی رہنماؤں سے ملاقاتیں بھی کریں گے۔
اس موقع پر جامع اور منصفانہ عالمی مصنوعی ذہانت نظمِ حکمرانی کے فروغ سے متعلق امور پر بھی تبادلۂ خیال کیا جائے گا۔
