ٹی ٹوئنٹی کرکٹ کا ایک اور عالمی ریکارڈ بن گیا

انڈین پریمیئر لیگ (آئی پی ایل) میں ٹی ٹوئنٹی کرکٹ کا ایک اور عالمی ریکارڈ بن گیا ہے۔تاریخ میں پہلی مرتبہ ٹی ٹوئنٹی کرکٹ میں 260 سے زائد کا ہدف عبور کیا گیا ہے۔جمعہ کو آئی پی ایل کی ٹیم پنجاب کنگز نے ایڈن گارڈنز میں کھیلے گئے میچ میں کولکتہ نائٹ رائیڈرز کے خلاف ٹی ٹوئنٹی کرکٹ میں سب سے بڑے کامیاب رنز کے تعاقب کا ریکارڈ بنا دیا۔میچ میں پنجاب کنگز نے پہلے ٹاس جیت کر کرنے کا فیلڈنگ فیصلہ کیا، کولکتہ نے بیٹنگ کرتے ہوئے مقررہ دئیے گئے 20 اوورز میں 262 رنز کا پہاڑ جیسا ہدف کھڑا کر دیا۔ کولکتہ نائٹ رائیڈرز کی طرف سے فل سالٹ نے 37 گیندوں پر 75، سنیل نارائن نے 32 گیندوں پر 71 رنز کی برق رفتار اننگز کھیلی۔

پنجاب کنگز نے 262 رنز کے ہدف کے تعاقب میں جم کر بہترہن بیٹنگ کی اور مطلوبہ ہدف کو با آسانی 19 ویں اوور میں 2 وکٹوں کے نقصان پر عبور کر کے عالمی ریکارڈ بنا دیا۔پنجاب کنگز کی طرف سے جونی بیئر اسٹو نے 48 گیندوں پر 108 رنز کی ناقابل شکست اننگز کھیلی جبکہ ان کا ساتھ دیاششانک سنگھ نے جو 28 گیندوں پر 68 رنز بناکر ناٹ آؤٹ رہے۔