پاکستانی ماڈل و اداکارہ ژالے سرحدی نے کہا کہ لوگوں کی شادیاں سوشل میڈیا کی وجہ سے نہیں ہو رہیں
نجی ٹی وی کے شو میں ژالے سرحدی نے حال ہی میں بطور مہمان شرکت کی اور اپنی نجی زندگی سمیت کیریئر کے حوالے سے کھل کر بات چیت کی۔ ژالے سرحدی سے دوران شو سوال کیا گیا کہ سوشل میڈیا پر آپ بہت خوش نظر آتی ہیں تو اصل زندگی میں بھی کیا آپ اتنی ہی خوش رہتی ہیں؟ اس پر اداکارہ نے جواب دیا کہ خوشیاں بانٹنے سے بڑھتی ہیں اس لیے وہ مداحوں کے ساتھ اپنے خوشگوار لمحات شیئر کرتی ہیں، اتار چڑھاؤ زندگی میں آتے رہتے ہیں لیکن وہ جب پریشان یا اداس ہوتی ہیں تو سوشل میڈیا پر ایسے لمحات کو شیئر نہیں کرتیں ہیں۔
شادیوں اور تعلقات کے حوالے سے دوران گفتگو ایک سوال کا جواب دیتے ہوئے اداکارہ نے بتایا کہ انہیں غیر شادی شدہ دوستوں اور شوہر نے بتایا کہ سوشل میڈیا کی وجہ سے ہم لوگوں کی شادیاں نہیں ہو رہیں۔ وضاحت دیتے ہوئے انہوں نے مزید کہا کہ خواتین کی آج کل سوشل میڈیا پر اتنی تعریفیں کی جاتی ہیں کہ وہ خود کو حسین ترین اور خوب صورت سمجھتی ہیں،جس کی وجہ سے وہ آنے والے ہر پرپوزل کو یہ سوچ کر مسترد کردیتی ہیں کہ ان کے پاس بہت آپشنز ہیں ان کی شادیاں یہی وجہ ہے کہ نہیں ہو رہیں ہے یا ان میں تاخیر ہو رہی ہے۔
