امریکہ کی ریاست میری لینڈ میں ایک ہائی اسکول میں معمولی جھگڑے پر ایک طالب علم نے دوسرے کو قتل کر دیا۔
پولیس کے مطابق اسکول کے باتھ روم میں 2 طالب علموں کے درمیان جھگڑا ہوا جو اس قدر بڑھ گیا کہ ایک 16 سالہ طالب علم نے دوسرے طالب علم کو گولی مار دی۔ پولیس نے بتایا کہ گولی لگنے سے 15 سالہ وارن کرٹس گرانٹ زخمی ہوا جسے فوری طبی امداد کیلئے اسپتال منتقل کیا جہاں وہ زخموں کی تاب نہ لاتے ہوئے دم توڑ گیا
پولیس کے مطابق 16 سالہ ملزم واقعے کے بعد اسکول سے فرار ہوا جسے چند ہی منٹوں میں اسکول کے قریب سے گرفتار کر لیا گیا۔ یاد رہے کہ چند روز قبل بھی امریکی ریاست جارجیا کے اسکول میں فائرنگ کا واقعہ پیش آیا تھا جس میں 4 افراد ہلاک اور متعدد زخمی ہوئے تھے۔ مغربی معاشروں میں اس طرح کے واقعات ایک معمول بن چکے ہیں تاہم مغربی میڈیا اس قسم کے واقعات کو بڑھا چڑھا کر پیش نہیں کرتا۔
