کراچی کے شہر شیرشاہ علاقے میں فائرنگ کے واقعے میں ایک ٹریفک پولیس اہلکار سمیت دو افراد جاں بحق ہوگئے ہیں۔
ذرائع کے مطابق، شیرشاہ پراچہ چوک پر فائرنگ کے واقعے میں ایک ٹریفک پولیس اہلکار اور ایک پیدل چلنے والا فرد جان کی بازی ہار گئے ہیں۔پولیس کے مطابق متوفی ٹریفک پولیس اہلکار کی شناخت خدا بخش اور پیدل چلنے والے فرد کی شناخت غوث اللہ کے نام سے ہوئی ہے۔
ذرائع کے مطابق ایڈیشنل آئی جی کراچی جاوید عالم اوڈھو نے فائرنگ کا نوٹس لیتے ہوئے محکمہ کے حکام سے واقعے کی رپورٹ طلب کر لی ہے۔ کراچی پولیس چیف نے ڈی آئی جی ساؤتھ سے فائرنگ کے واقعے کی جامع انکوائری رپورٹ طلب کرلی ہے۔اے آئی جی نے ہلاکت خیز واقعہ کے ملزمان کی جلد گرفتاری کے احکامات بھی جاری کر دیئے۔جبکہ پولیس ابھی تک واقعہ کی نوعیت کا تعین نہیں کر سکی ہے۔
