ضلع کرم میں جائیداد کے تنازع پر دو قبائل کے درمیان جھگڑا ہوا۔جھگڑے کے دوران فائرنگ کی گئی جس کی وجہ سے 20 افراد شدید زخمی ہوگئے ہیں۔
ذرائع کے مطابق یہ واقعہ ضلع کرم کے علاقے بوشہر اور مالی خیل میں رہنے والے دو قبائل کے درمیان پیش آیا جدھر زمین کے تنازع پر فائرنگ ہوئی جس میں خودکار ہتھیاروں کا بھی استعمال کیا گیا ہے۔پولیس کے مطابق ایک گروہ کی طرف سے راکٹ حملے بھی کئے گئے۔جس کے نتجیے میں باپ اور بیٹا زخمی ہوگئے جبکہ تصادم میں دونوں طرف سے کل 20 افراد زخمی ہوگئے ہیں جن کو اسپتال منتقل کردیا گیا ہے۔ ڈپٹی کمشنر جاویداللہ کے مطابق فائر بندی کے لیے تاحال کوششیں کی جا رہی ہیں۔اس کے ساتھ ساتھ فریقین کے عمائدین کو بھی فائر بندی کروانے میں اپنا اہم کردار ادا کرنا چاہے۔
