نوشہرہ: پشتو فلموں اور ڈراموں کی مشہور اداکارہ کو قتل کر دیا گیا۔ اداکارہ خوشبو کی لاش ضلع نوشہرہ کے تھانہ اکبر پورہ کی حدود میں کھیتوں سے برآمد ہوئی۔
پولیس ذرائع کا کہنا ہے کہ اداکارہ کو نامعلوم افراد کی جانب سے فائرنگ کر کے قتل کیا گیا ہے۔ اداکارہ کی لاش کو پوسمارٹم کےلیے میاں راشد میموریل ہسپتال پبی منتقل کردیا گیا۔اداکارہ خوشبو کا تعلق صوابی سے تھا اور پشاور میں رہائش پزیر تھیں۔ اداکارہ کے بھائی کی مدعیت میں ملزمان کے خلاف ایف آئی آر درج کرلی گئی۔ تاہم اداکارہ کو قتل کرنے کی وجہ تاحال معلوم نہ ہوسکی۔
کہا جا رہا ہے کہ مقتولہ اداکارہ کے بھائی شہریار کے مطابق مقتولہ کو ملزمان محفل موسیقی میں ناچ گانے سے منع کرتے تھے، انکار پر مبینہ طور پرفائرنگ کرکےقتل کردیا اور لاش کھیتوں میں پھینک دی۔ دوسری جانب مقتولہ کے بھائی کی مدعیت میں 2 افرادکے خلاف قتل کا مقدمہ درج کرلیا گیا اور نامزد افرادکی گرفتاری کیلئے چھاپے مارے جارہے ہیں۔
