پاک فوج کے شعبہ تعلقات عامہ یعنی آئی ایس پی آر کی جانب سے جایر بیان میں کہا گیا ہے کہ سکیورٹی فورسز نے خفیہ اطلاع کے بعد دہشتگردوں کی موجودگی کی اطلاع پر ڈیرہ اسماعیل خان کے علاقے کلاچی میں انٹیلی جنس کی بنیاد پر آپریشن کیا ۔
آئی ایس پی آر کے مطابق آپریشن کے دوران 5 دہشتگر دہلاک ہو گئے ہیں، لکی مروت میں کارروائی کے دوران 2 دہشتگردوں کو ہلاک کیا گیا ۔
آئی ایس پی آر نے کہا ہے کہ شمالی وزیرستان کے علاقوں دوسلی اور ٹپی میں دو مختلف آپریشنز کے دوران شدید فائرنگ کے تبادلے میں 5 دہشتگرد ہلاک کئے گئے ۔
آئی ایس پی آر کے بیان میں مزید کہا گیا ہے کہ ضلع خیبر میں بھی کارروائی کے دوران ایک دہشتگرد کو ہلاک کیا گیا ہے ۔
آئی ایس پی آر کا کہنا ہے کہ ہلاک دہشتگردوں میں شاہ گل عرف روحانی بھی شامل ہے، دہشتگرد سیکیورٹی فورسز اور بے گناہ شہریوں پر حملوں میں ملوث تھے، ہلاک دہشتگردوں کے قبضے سے بھاری مقدار میں اسلحہ اور گولہ بارود برآمد کرلیا گیا ۔
ترجمان پاک فوج کے مطابق علاقے میں دیگر ممکنہ خوارج کے خاتمے کیلئے سینیٹائزیشن آپریشن جاری ہے، سکیورٹی فورسز ملک سے دہشت گردی کے خاتمے کیلئے پرعزم ہیں ۔
