خیبرپختونخوا اسمبلی کا اجلاس ۔ سپیکر اور ڈپٹی سپیکر کے انتخاب کا معاملہ۔بابر سلیم سواتی سپیکر کے پی اسمبلی منتخب ہوگئے ہیں۔انہوں نے اپنے عہدے کا حلف لے لیا ہے
سپیکر مشتاق غنی کی زیر صدارت خیبرپختونخوا اسمبلی کا اجلاس ہوا۔اجلاس میں پی ٹی آئی کے حمایت یافتہ سنی اتحاد کونسل کے بابر سلیم سواتی نے 89ووٹ حاصل کیے۔جبکہ ان کے مد مقابل احسان اللہ خان نے 17ووٹ حاصل کیئے ہیں۔کل 106اراکین نے ووٹنگ کے عمل میں حصہ لیکر اپنا ووٹ کاسٹ کیا۔کامیاب ہونے کے بعد ٹی آئی کے حمایت یافتہ سنی اتحاد کونسل کے بابر سلیم سواتی نے اپنے عہدے کا حلف لے لیا ہے۔سپیکر مشتاق غنی نے بابر سلیم سواتی سے حلف لیا۔بابر سلیم سواتی اور ثریا بی بی کو پی ٹی آئی کے حمایت یافتہ آزاد اراکین کی حمایت حاصل تھی جبکہ احسان اللہ میاں خیل اور ارباب وسیم کو پیپلز پارٹی، پی ٹی آئی پارلیمنٹیرینز اور ن لیگ کی حمایت حاصل تھی۔
