پشاور: خیبر پختونخوا حکومت نے دوران ڈیوٹی شہید ہونے والے اہلکاروں کے اہلخانہ کو مفت پلاٹس دینے کا فصلہ کیا ہے۔
وزیراعلیٰ خیبرپختونخوا علی امین گنڈا پور ٰ کی زیرصدارت محکمہ ہاؤسنگ کا اجلاس ہوا۔
اجلاس میں فیصلہ کیا گیا کہ فوج ، ایف سی، پولیس اور ریسکیو سمیت دیگر صوبائی محکموں کے شہدا کو مفت پلاٹس دیئے جائیں گے۔
مفت پلاٹ کی الاٹمنٹ کا آغازسرکاری ہاؤسنگ سکیم میں دستیاب پانچ سو پلاٹس سے کیا جائےگا۔
وزیر اعلیٰ علی امین گنڈاپور نے کہا کہ شہداء کے ورثاء کو پلاٹس دینے کا مقصد ان کی معاشی سپورٹ کرنا ہے۔
انھوں نے شہداء نے ہمارے محفوظ مستقبل اور ملک کے لیے جو قربانیاں دی ہیں ان کا کسی صورت بدلہ نہیں چکایا جا سکتا۔
