کرم: ضلعی انتظامیہ نے اپنے ایک بیان میں کہا ہے کہ بگن میں ڈی سی کرم جاوید اللہ محسود پر حملے میں ملوٹ ایک اوردہشت گرد گرفتار کیا گیا ہے ،ایف آئی آر میں نامزد پانچ دہشت گردوں میں اب تک تین کو گرفتار کیا گیا ہے، نامزد مزید دہشت گردوں اور دیگر نامعلوم حملہ آوروں کی گرفتاری و تحقیقات کے لئے کوششیں جاری ہیں ۔
بیان میں کہا گیا ہے کہ صوبائی حکومت سے تعاون نہ کرنے اور امن معاہدے ہر دستخط نہ کرنے کی وجہ سے سید رحمان، سیف اللہ اور کریم خان کر گرفتار کیا گیا ہے ۔
ضلعی انتظامیہ کے مطابق اییکس کمیٹی اور صوبائی حکومت کے فیصلوں پر ہر صورت عمل درآمد کو یقینی بنایا جائے گا ۔
انہوں نے کہا ہے کہ پاراچنار پریس کلب کے باہر دھرنا دیکر روڈ بند کرنے والوں پر بھی مقدمات درج کرلئے گئے ہیں ۔
انتظامیہ نے مزید کہا ہے کہ آمدورفت کے راستے ہر صورت کھول کر آمدورفت کو بھی یقینی بنایا جائے گا ۔
