پاکستان پیپلز پارٹی کے چیئرمین بلاول بھٹو زرداری نے کہا ہے کہ ضلع کُرم بدامنی کی آگ میں جل رہا ہے اور بدقسمتی سے خیبر پختونخوا حکومت غائب ہے ۔
ان کا کہنا تھا کہ تین روز میں 80 شہری شہید ہو چکے ہیں اور صوبائی حکومت شہریوں کی جان ومال کے تحفظ میں ناکام ہوچکی ہے۔ انہوں نے ضلع کُرم میں پی ٹی آئی حکومت کی مجرمانہ غفلت کی مذمت کی۔ ان کا مزید کہنا تھا کہ ہم خیبرپختونخواہ کو بدامنی کی آگ میں جلتا نہیں دیکھ سکتے، ہلاکتوں پر دل خون کے آنسو بہا رہا ہے، پورے خیبرپختونخوا میں امن یقینی بنانے کیلئے پیپلز پارٹی اپنا کردار ادا کرے گی۔
خیال رہے کہ ضلع کرم میں چار روز کے دوران بے امنی کے حالیہ واقعات میں اب تک 85 افراد جاں بحق ہوچکے ہیں، ان میں 49 مسافر بھی شامل ہیں۔
