لکی مروت میں شادی کی تقریب میں فائرنگ ہوئی جس کے باعث 6 افراد جاں بحق ہوگئے
پولیس کے مطابق لکی مروت کے علاقے غزنی خیل میں شادی کی تقریب میں انتہائی افسوس ناک واقعہ پیش آیا جہاں پرخوشیاں ماتم میں تبدیل ہوگئیں۔پولیس کے مطابق شادی کی تقریب میں فائرنگ سے6 افراد جاں بحق اور جبکہ ایک شخص زخمی ہوا جس کو فوری طور پراسپتال منتقل کر دیا گیا۔ دونوں گروپوں کے درمیان پولیس کے مطابق پرانی دشمنی تھی جبکہ 2 راہ گیر بھی فائرنگ سے جاں بحق ہونے والوں میں شامل ہیں۔
