دہشت گردوں نے ضلع لکی مروت کے علاقے کبل خیل میں 17 سویلین ورکرز کو بھتہ خوری کے لئے اغوا کر لیا، سیکیورٹی فورسز کی فوری کارروائی میں 8 مغویوں کو بازیاب کرالیا گیا ہے ۔
مقامی ذرائع نے اخبار خیبر کو بتایا کہ سویلین ورکرز نہتے تھے، دہشتگردوں نے وہاں موجود ٹھیکدار کی گاڑی کو بھی آگ لگا کر جلا دیا ۔
ذرائع نے مزید بتایا کہ سیکیورٹی فورسز نے فوری کارروائی کرتے ہوئے 8 مغویوں کو بحفاظت بازیاب کرالیا جبکہ دیگر 9 مغویوں کی بازیابی کیلئے کارروائی جاری ہے ۔
سیکیورٹی ذرائع کے مطابق اس بہیمانہ اقدام کرنے والے عناصر کو کیفر کردار تک پہنچایا جائے گا،معصوم اور بے گناہ سویلین کو اغوا کرنے والے ان دہشتگردوں کی ان پاکستان اور عوام دشمن کارروائیوں کا دین اور اسلامی اقدار سے کوئی تعلق نہیں ہے ۔
