بشکیک : وزیر داخلہ محسن نقوی سے روس، تاجکستان، ازبکستان، کرغزستان اور قازقستان کے وزرائے داخلہ نے الگ الگ ملاقاتیں کیں۔
وزیر داخلہ اور روسی ہم منصب ولادیمیر کولوکولٹسیف کی ملاقات میں اہم معاہدوں پر دستخط کیے گئے۔
محسن نقوی اور تاجکستان کے وزیر داخلہ رمضان رحیم زادہ نے افغانستان میں دہشت گردوں کے کیمپوں کے بارے میں گفتگو کی۔
دونوں وزرائے داخلہ نے اس بات پرزوردیا کہ افغانستان میں دہشت گردوں کے کیمپس اور منشیات کی پیداوار خطے کیلئے شدید سکیورٹی خدشات کا باعث ہیں۔
وزیرداخلہ اور ازبکستان کے وزیر داخلہ میجر جنرل عزیز تاشپولاتوف نے قانون نافذ کرنے والے اداروں کے درمیان تعاون اور مشترکہ ٹریننگ پر تبادلہ خیال کیا۔
دونوں وزارت داخلہ نے تعاون بڑھانے کیلئے ورکنگ گروپ تشکیل دینے کا بھی فیصلہ کیا۔
