نیدرلینڈز میں حکومت نے شہریوں کی سہولت کیلئے مفت سن اسکرین مشینیں لگا دیں ہیں۔
سورج کی تیز دھوپ سے بچنے کیلئے ماہرین جِلد کی طرف سے سن اسکرین یا سن بلاک کے استعمال کی ہدایات کی جاتی ہے۔سورج کی یہ تیز شعاعیں اتنی خطرناک اور نقصان دہ ہوتی ہیں کہ بعض لوگوں میں اس کی وجہ سے جِلدی کینسر ہوجاتا ہے۔غیر ملکی خبردساں اداروں کے مطابق حکومت نے نیدرلینڈز میں جِلدی سرطان کے بڑھتے ہوئے کیسز کے پیش نظر گزشتہ سال عوام کیلئے مفت سن اسکرین فراہم کرنے کا فیصلہ کیا تھا جس فیصلے پر اب عمل درآمد کیا جارہا ہے۔
میڈیا کی رپورٹس کے مطابق ملک بھر میں نیدرلینڈز حکومت نے اسکولوں، یونیورسٹیوں اور پارکوں سمیت تمام عوامی مقامات پر سن اسکرین کی مشینیں نصب کردی ہیں جس سے فائدہ اٹھاتے ہوئے عوام اپنی جِلد کی حفاظت کر سکتی ہے۔
