خیبر: پاک افغان طورخم تجارتی گزرگاہ 25 روز بعد ہر قسم تجارتی آمدورفت کیلئے کھول دی گئی ، پاکستان کی جانب سے افغانستان کی حدود میں مال بردار گاڑیاں بھی افغان حدود میں داخل ہونا شروع ہو گئیں ۔
طورخم سرحد کے قریب افغان کسٹم ہاؤس میں دونوں ممالک کے سیکورٹی حکام کی فلیگ میٹنگ کا انعقاد کیا گیا جس میں دو روز قبل پاک افغان مشترکہ جرگہ کے فیصلوں کی توثیق کی گئی ۔
فلیگ میٹنگ فیصلے کے مطابق طورخم تجارتی گزرگاہ آج تجارتی سرگرمیوں کے لیے کھول دی گئی اور متعدد پاکستانی کارگو گاڑیاں طورخم کراسنگ پوائنٹ پار کرکے افغانستان میں داخل ہوئیں جبکہ افغان مال بردار گاڑیاں پاکستان میں داخل ہوئیں ۔
مقامی سیکیورٹی ذرائع نے اخبار خیبر کو بتایا ہے کہ افغان مریضوں کو آج سے ہنگامی بنیادوں پر پاکستان آمدورفت کی اجازت ہوگی ،تاہم طورخم سرحدپیدل آمدورفت کے لیے دو روز بعد کھولی جائےگی ۔
