اسلام آباد: ایران امریکہ جنگ بندی میں پاکستان کے ثالثی کردار کی دنیا معترف ہے۔
یورپی یونین کی خارجہ پالیسی کی سربراہ نے پاکستان کی قائدانہ صلاحیتوں اور کامیاب ڈپلومیسی کو بھر پور انداز میں سراہا ہے۔
یورپی یونین کی خارجہ پالیسی کی سربراہ کایا کالاس نے کہا کہ پاکستان نے امریکہ اور ایران کے درمیان ثالثی کر کے ایک مکمل جنگ کو ٹالنے میں مخلصانہ کوشش اور مدد کی ہے۔
انہوں نے تسلیم کیا کہ پاکستان کی شاندار سفارتی کوششوں نے کئی مواقع پرایران امریکہ مکمل جنگ کے آغاز کو روکا ہے۔
خبروں کے مطابق پاکستان نے امریکہ اور ایران کو قریب لانے اور اختلاف کم کرنے کیلئے مدبرانہ کوششیں کیں۔
پاکستان نے ایران اور امریکہ کے وفود کے درمیان طویل براہِ راست مذاکرات کی میزبانی بھی کی۔
فیلڈ مارشل سید عاصم منیر نے کوششیں جاری رکھیں اور امریکہ اور ایران میں رکاؤٹوں کو دور کرنے میں کردار ادا کیا۔
