واشنگٹن: پاکستان اور بھارت کے درمیان حالیہ کشیدگی میں جنگ بندی کیسے ہوئی؟ امریکہ کے بین الاقوامی ایوارڈ یافتہ صحافی نک رابرٹسن نے جنگ بندی کی تفصیلات بتا دیں ۔
امریکی صحافی نک رابرٹسن کے مطابق پوری دنیا کئی دنوں سے سیز فائر کرانے کی کوششیں کر رہی تھی مگر کسی کو بھی کامیابی حاصل نہیں ہوئی ۔
نک رابرٹسن نے بتایا کہ بھارت نے پاکستان کی ایئر بیسز پر حملہ کیا تو پاکستان نے بھارت پر نہ رکنے والی میزائلوں کی بارش کردی ۔
امریکی صحافی کے مطابق پاکستانی میزائل حملوں کے بعد نہ صرف بھارت مذاکرات کی میز پر آنے پر مجبور ہوا، بلکہ پاکستان کے میزائل حملوں نے بھارت کو پیچھے ہٹنے پر بھی مجبور کر دیا ۔
نک رابرٹسن کا مزید کہنا تھا کہ امریکی وزیر خارجہ نے سعودی اور ترک حکام سے رابطہ کیا اور سفارتی طریقے سے معاملہ حل ہوا، امریکی کوششوں سے پاکستان اور بھارت کے درمیان سیزفائر ممکن ہوا ۔
